I cocedura tradicional no forno de olas de Pepa de Bonxe

O día 20 de Outubro está previsto realizar o cocedoiro dunha fornada de pezas de barro tal e como facían tradicionalmente os cacharreiros da parroquia de Bonxe (Outeiro de Rei). Previamente, o día anterior, cargaranse os cacharros que se pretenden cocer para iniciar ás 11.30 horas unha operación que se desenrolará durante varias horas, rematando preto da noitiña.

Esta actividade cultural terá lugar no forno das olas, que posúe a artesán cacharreira Pepa do Indalecio emprazado no lugar da Veiga, na mesma parroquia de Bonxe. O acto está organizado pola asociación Canaveira dentro do seu programa xeral de actuacións encamiñado á conservación e posta en valor da cerámica tradicional.

Deste modo, o acto previsto é continuación dos cocedoiros realizados o pasado ano no forno de Lulle (Samos) e da publicación editada polo CENTRAD da Deputación de Lugo “Formas Tradicionais da Cerámica Popular. Samos” na cal se presenta unha achega á fabricación de cacharros de barro nas terras do concello samonense.

Ao remate da xornada (das 17.00 en diante), convidarase ás persoas asistentes con empanadas e castañas que se asarán no forno situado, así mesmo, ao carón do Obradoiro da artesán chairega onde se realizará este cocedoiro de cacharros.

O luns día 21, a partir das 12.00 horas, procederase a descargar o forno tendo en conta que os cacharros xa estarán fríos.

Publicación do libro «Formas tradicionais da cerámica popular: Samos»

O día 1 de decembro do 2018 presentouse en Roxofrei (Samos) o libro «Formas tradicionais da cerámica popular: Samos«, publicado pola Deputación de Lugo e escrito por Luis Hixinio Flores Rivas e Orlando Viveiro Veiga.

O libro pretende recuperar o oficio esquecido dos barraxeiros ou louceiros de Samos, xunto coas barreiras e fornos onde cocían as pezas de barro.

Mostra libro sobre cerámica popular de Samos

Arqueometría

Presentación d0 libro polo Presidente da Deputación Provincial de Lugo